الخميس، 17 نوفمبر 2011

Thoughts..

Since that Night I'm not the same person.
I feel Bad.
I feel I wanna punish myself for being such a naive.
But.. everything happens for a reason. I guess.

***

Tonight I've been walking around at 3:00 a.m. with a heavy rain hitting my face and my body.
I hate rain, I hate going outside while it's raining.
But this night, I felt I need those drops of water to clean me. clean my heart.
I was walking.. walking very fast.. the weather is 'CRAZY'.. I don't care.. I keep on walking.. Crying.. wondering what the hell am I doing.. Crying.. with no reason.. why should I have a reason?

***

Frida Oh Frida..
It was love from the first sight.
I wish I could have 1% of your Inspiration.

***

New Music is REQUIRED!




الثلاثاء، 1 نوفمبر 2011

No Studio.. No Cry..

هاي اول سنة من اربع سنين بكونش عندي استوديو بالتعليم. 
فكّرت كثير قبل ما اوخد هيك قرار.. تأجيل المشروع النهائي.. للسنة السادسة. 
اه.. اللقب.. مش رح يكون بس خمس سنين.. انما ستة.
القرار اجا نتيجة كل اشي اتحمّلته ومرقته هالأربع سنين الّي فاتوا.. اربع سنين الّي حسّيت فيهن كل يوم بيومه.. كل ساعة.. 

بتذكر اول يوم بالتعليم.. سنة اولى.. كانت اول حصة استوديو.. جيت بثقة عالية ومعنويات بالسما.. صبية عربية وحيدة انقبلت بهاي السنة لموضوع الفن المعماري بجامعة تل أبيب.. حسّيت حالي مهمة. 
بس.. مكنتش عارفة ايش بستناني.. مكانش عندي فكرة.
فتت على الحصة.. ومناخيري فوق فوق.. بس الاحساس اتغيّر مرة وحدة بس صاروا يحكوا بمصطلحات مش فاهمتها! طب ما انا متعلمة فنون! وبرسم! وبنحت! وبعمل مليون اشي! ليش مش فاهمة عليهم؟! ليش حاسة حالي بعرفش اشي؟ بفهمش اشي؟! 
وقتها فهمت انه عشان اكمّل بهيك موضوع مش لازم بس اعرف ارسم. 

بتذكر اليوم الي طلبوا مني اختار احساس معيّن.. بعيشه او لا.. هاد كان اول "تمرين". 
مقدرتش اختار "سعادة" ولا "راحة" ولا "أمان".. باختصار.. مقدرتش اختار ولا اي شعور ايجابي. 
اخترت "إحباط".. كنت محبطة من حالي.. حاسة بخيبة امل من حالي.. حسيت انّي فقدت كل حس للإبداع كان فيي. 
الاشي زاد لمّا اخدت اقل علامة بالاستوديو الاول باللقب.. الاشي زاد اكثر لمّا شفت العلامة بعد ما قضيت اول ليالي بيضاء بمسيرتي هاي. ليالي بيضا كان فيها كثير ضغط. كثير شغل. تعمل اشي يرضي المعلّم تاعك. مش يرضيك انت. بس مقدرتش ارضيه. او ارضيها بحالتي انا. معلّمتي او "موجهتي" كانت انسان قاسي. مش فاهمة من وين انا جاي. (مش انها حجّة). معلمة الّي مقدرتش تحس بـ "إحباطي" كيف ما حسّت بـ "سعادة"/"حرية"/"أمان" (والخ..) غيري من الخواجات. 

فكرت الاستوديو الثاني يكون احسن.. كنت متحمسة.. بدي افرجيهن العين الحمرا.. بس لأسفي.. كمان مرة خاب أملي من حالي. 

سنة ثانية وثالثة ورابعة مختلفوش كثير عن سنة اولى. صرت مرات افكر انه هاد الموضوع مش الي. 
بس اليوم بفكر غير شكل. اذا هاد الموضوع مش الي لعاد لمين؟؟؟؟؟؟؟ 
كل هالشغلات الّي براسي وين بدي اروح فيها؟ 
كيف بدي اعبّر عنها اذا مش هيك؟؟ وليش اخلّي غيري يحكم علي؟ 

اربع سنين ملانة ضغط.. عياط.. ليالي بيضا.. قلة راحة، أكل ونوم.. يروحوا هيك؟ 
مكنتش بدي سنة خامسة تكون زي الاولى.. الثانية.. الثالثة والرابعة. 

اسمحولي.. هاي المرة بدي اوخد راحتي. بدي استرد راحتي الّي ضاعت بأربع سنين.. بدي معدل ساعات نومي يرجع ل 6 ساعات ومش 3-4 ساعات يوميا. 
هاي السنة.. بديش استوديو. بديش مشروع نهائي. بديش ليالي بيضا. بديش قلة راحة. 
هاي السنة.. بدي انام.. اتعلّم مواضيع بحبها.. موسيقى وسينما وفلسفة وايش لا؟؟؟ 

اسمحولي.. بس هاي السنة بدي اكون حنان الرايقة.. الّي تعمل شو هي بتحب ومش شو الموجهين بحبّوا :)
هاي السنة.. انا متفائلة.. ومش مستعجلة. على م-ه-ل-ي :)

اسمحولي كمان مرة.. بس صار لازم انام.. 6 ساعات.. او أكثر :)

تصبحوا على خير جميعًا.. الي معي والي ما معي.. بهاي المدوّنة المتواضعة.




تمرين من سنة ثانية - حِصار