الاثنين، 29 أغسطس 2011

بعّيصي الكيف

في ناس فش اشطر منها ببعص الكيف!
يعني زي انها شغلتهم!
يا عمي اشلحوني وخلصوني من هالمقت تاعكم هاظ!

الأحد، 21 أغسطس 2011

سافر غريب الدار..
مشوار ورا مشوار.. 

قديش ممكن تكون اغنية جميلة وحزينة بنفس الوقت.. 



الجمعة، 19 أغسطس 2011

حالة كفكاويّة تُصيبني.

احب ممارسة الاختفاء..
الضياع..
عدم وجود النفس ومن ثمّ إدراكها..

اختفائي هو نتيجة غيظي وحزني.. ربما أيضًا نتيجة فرحي.. :)

على الاغلب بكون سببه شغلات سلبية.. شغلات بتوجعني وبتخلّيني اتجنّب افرجيها للعالم.. يمكن عشان لليوم الواحد بهمّه كيف تكون صورته قدام العالم.. يمثّل انه كلشي تمام وحياته عال العال.. يمكن. او أكيد.

ويمكن بالذات عشان اتجنّب هذا التمثيل الرخيص.. فأنا اكره الممثلين.. الّي بحكواشغلة وبعملوا عكسها.. بتحايدوا الحقيقة وبعيشوا بكذبة كبيرة.. عشان يبينوا انهم "مناح"..

لا.. أنا بفضّل اكون أنا.. شفافة.. حتى باختفائي.