الاثنين، 8 يوليو، 2013

امتحان قبول

اليوم كان امتحان القبول للطلاب الجدد في قسم العمارة بالجامعة.. بس شفت الممتحنين رجعت بالذاكرة لقبل ٦ سنين.. وقت ما كنت مثلهم ومحلهم.. حاملة دوسيّة الكرتون بحجم ٥٠ على ٧٠ الي طلبوها مني.. مع شوية اوراق بيضا للرسم وأقلام رصاص.. 
بس شفتهم بستنوا يفوتوا الغرفة الي رح تقررلهم مستقبلهم، اتذكرت حالي.. خايفة، متوترة، بحاول احافظ على ثقتي بنفسي.. هاد الاشي الوحيد بالإضافة للموهبة الي ممكن يمرقك بهيك امتحان.. 
اتذكرت حالي كيف فتت على الغرفة واخذت ورقة الامتحان.. قرأتها مرة.. قرأتها كمان مرة.. وكمان.. مصطلحات غريبة بالعبراني مكنتش متأكدة إذا فاهمتها او لا.. مصطلحات اول مرة بتعامل معها بالرغم من تمكّني الممتاز باللغة العبرية.. ممكن افهم معنى المصطلح بس كيف ممكن أرسمه؟ 
إتذكرت انه أخذلي وقت أفكر ايش بدي ارسم اكثر من عملية الرسم نفسها.. 
اتذكرت كيف انه طلعت مبسوطة من كيف فكرت وشو رسمت.. 
اليوم انا هون.. بنفس البناية.. بعد ٦ سنين من التعليم والكد والتعب.. برجع لورا وبقول لحالي.. "ولاااااااو!" ولاو شو مرقت شغلات.. حلوة ومرّة.. ولاو شو مستعدة ارجع محلهم.. ارجع سنة اولى وثانية وثالثة ورابعة وخامسة وانبسط من كل لحظة ولحظة بالتعليم..
ولاو وين انا اليوم.. بعيدة ١٦ يوم عن تسليم مشروع التخرج.. ١٦ يوم بتفصلني عن مشروع جديد رح يبلش بحياتي.. ١٦ يوم لنهاية ٦ سنين حسيت فيهن بكل يوم وكل ساعة.. ١٦ يوم للإستقرار.. ١٦ يوم لتغيير الستاتوس من طالبة فن معماري لستاتوس فنانة معمارية :)
١٦ يوم :)


السبت، 12 يناير، 2013

Lonely Night

I feel so Lonely in this cold night.. 
Lonely and sad.
I feel like going out and screaming out loud whatever comes to my head.
I think this will be a great relief.. 
But I'm a coward.. I wont do it.. 
I don't like this night.. Definitely.
But whenever I feel this way I always find myself listening to one specific song..
and it says..: 


"Have you seen the old man 
In the closed-down market 
Kicking up the paper, with his worn out shoes? In his eyes you see no pride Hand held loosely at his sideYesterday's paper telling yesterday's news 

So how can you tell me you're lonely, And say for you that the sun don't shine? Let me take you by the hand and lead you through the streets of London I'll show you something to make you change your mind 


Have you seen the old girl 

Who walks the streets of London Dirt in her hair and her clothes in rags? She's no time for talking, She just keeps right on walking Carrying her home in two carrier bags. 

In the all night cafe

At a quarter past eleven
Same old man is setting there on his own
Looking at the world
Over the rim of his tea-cup
Each tea last an hour
Then he wanders home alone

And have you seen the old man 
Outside the seaman's mission 
Memory fading with 
The medal ribbons that he wears. 
In our winter city, 
The rain cries a little pity 
For one more forgotten hero 
And a world that doesn't care.."



السبت، 29 ديسمبر، 2012

الطريق الى المجهول..

لمّا كنت بطريقي لإلك.. خربشت اني بطريقي للمجهول..
بس لمّا شفتك هاد الإحساس اختفى.. 
لأنه كان في احساس بالآمان.. احساس حلو ومريح.. 
بس بآخر فترة، مش عارفة ليش.. رجع هاد الإحساس..
اني بطريقي للمجهول.. المبهم.. المش مفهوم ضمنًا.. 
بديش أوقع كمان مرة.. ملّيت وزهقت من هالوقعات.. 
بديش ألملم حالي كمان مرة.. لأنه زهقت.. 
بدي اكون مبسوطة.. 
مش أكثر. 






السبت، 1 ديسمبر، 2012

الوقت

بعمري ما فكرت انه رح اكتب اشي عن هاد الموضوع.. بس آخر فترة عم بنتبه عحالي قديش مهم عندي الوقت..
يعني.. بحاول انه ولا ولا ولا مرة اتأخر عموعد.. بعيّن المنبه حتى بأيام العطلة.. بفكر ايش ممكن اعمل بالوقت الي بستنى فيه وانا اعمل بشغلة ثانية.. وهيك أمور..
بس آخر فترة عم بسافر بالقطار كثير.. من تل ابيب لحيفا.. من حيفا لتل ابيب.. من تل ابيب لبنيامينا والعكس.. فصرت احسب هاد الوقت بعدد الاغاني الي بسمعهن عالطريق.. مثلا.. من حيفا لتل ابيب ١٤-١٥ اغنية.. من عزريئيلي لبيتي مشي ٦ أغاني.. من بيتي للجامعة ١٠-١١ أغنية..
طبعًا الاشي بختلف.. حسب الاغاني ومدتهن.. بس انه فجأة صار للوقت طعم ثاني.. أحلى وممتع اكثر..
وكل ما طالت السفرة زادت المتعة :)

الأربعاء، 10 أكتوبر، 2012

إنه الخريف حتمًا!

الخريف.. هاد الفصل الي مش عارفة ايش بدو مني.. بعشقه!
يمكن عشانّه مثلي.. مش عارف ايش بدو.. ومش عارف يوخد قرار!
مرة بكون بردان.. ومرة بكون مشوّب.. 
مرة سعيد.. مرة حزين.. 
بس عالأغلب اللون الأصفر هوّي الّي بطغي عليه.. 
سألت حالي اكثر من مرة..
ليش أغلب الناس ما بتحب الخريف؟ 
ليش بحبّوا الربيع والخريف لا؟ 
في أحلى من منظر الخريف؟ فش :)
الخريف يمكن الفصل الوحيد الي بنجح يفوّتني بحالة خاصة..
بالذات مع الموسيقى.. 
بدوّر
وببحبش
على موسيقى تلائم الطقس.. بس بفشل.. 
لأنه هاد الطقس متقلّب بالزبط بقدر تقلّب مزاجي!
وبالنسبة للمزاجية.. فـَ آه.. انا مزاجية ومن الطراز الأول!
وشو يعني؟ شو فيها؟ ليش الكل بكره هالصفة؟ 
واذا يعني مزاجية؟ واذا عندي القدرة اقلب من مزاج لمزاج بسهولة؟ 
بصيرش؟ 

شايفين كيف كنت احكي بالخريف وفجأة صرت احكي بالمزاجية؟
رهيبة انا شو أفكاري مشتتة!
آخ بس!