أتى القمر..

في أغاني الّي دايمًا بتذكرك بإشي معيّن..

حدث.. كلمة.. نقاش.. وضع.. يوم.. محادثة.. او أي اشي ثاني.

في أغاني بتخلّيك تصفن..

بتوخدك على محل بعيد..

او قريب..

في أغاني بِتعَيْشك لحظة مشتاق لإلها..

بترجعك لهداك المحل الحلو..

او بشع..

في أغاني بترسملك بسمة عشفافك..

او بتنزّل دمعتك.

في أغاني بتحسّسك وكأنّك دراما كوين..

وفي أغاني بتخلّيك مجنون!

مفعم بطاقات!

أدرينالين!

وبالنهاية.. 

بحب احكي للإنسان الّي سمّعني هاي الأغنية الرائعة لأوّل مرّة...

خبّئني بوحدتي..

وخُذ المجدَ والسّهر.

اشتقتلّك.